Hægt verður að streyma einstökum heimildarþáttum þar sem Verstappen segir frá því hvernig eigi að sigrast á erfiðustu kappakstursbrautum heims, ásamt því sem við skyggnst verður inn í líf hans fjarri miskunnarlausu álagi íþróttarinnar, og margt fleira. Verstappen mun auk þess verða sendiherra Viaplay á öllum mörkuðum þar sem Viaplay hefur sýningarréttinn á Formúlu.

Verstappen, ökumaður Red Bull Racing, skráði sig á spjöld sögunnar í desember 2021, þegar hann varð fyrsti Hollendingurinn til að verða heimsmeistari ökumanna í Formúlu 1. Heimsmeistaratitillinn er hápunkturinn á ótrúlegum ferli þessa 24 ára gamla ökuþórs til þessa en frægðarsól hans hefur risið mjög hratt undanfarin ár. Fyrir var hann yngsti keppandi og sigurvegari í Formúlu 1 og Íþróttamaður ársins í Hollandi.

Verstappen hefur titilvörn sína í mars, með gríðarlegan fjölda ástríðufullra stuðningsmanna á bak við sig. ,,Hver einasti kappakstur á komandi keppnistímabili í Formúlu 1 – þar á meðal hollenski kappaksturinn á hinni frægu Zandvoort-braut, sem liggur meðfram ströndinni – verður í beinni útsendingu á Viaplay í Hollandi, á öllum Norðurlöndunum og í Eystrasaltslöndunum. Frá og með 2023 mun Viaplay einnig sýna Formúlu 1 í Póllandi," segir í tilkynningu frá Viaplay.

„Ég hlakka mikið til spennandi samstarfs við Viaplay, þar sem við höfum bæði metnað til að verða þau allra bestu í okkar fagi. Það verður frábært að vinna með fagfólki Viaplay á vettvangi, eins og David Coulthard, Mika Häkkinen og Tom Kristensen. Ég er viss um að reynsla þeirra sem fyrrum heimsklassa ökumenn sé mikill kostur. Streymisveitan Viaplay er kannski ný fyrir hollenskum áhorfendum, en hún hefur sannað sig sem streymisþjónusta á alþjóðlegum vettvangi. Það er ótrúlegt hvað ég mun ná til margra aðdáenda með því einstaka efni sem við munum búa til í sameiningu," segir Max Verstappen.

Hjörvar Hafliðason, íþróttastjóri Viaplay á Íslandi, segir að samstarfið við Max Verstappen sýni hversu sterk skuldbinding Viaplay til Formúlu 1 er. ,,Viaplay fjallar um þessa frábæru íþrótt með hætti sem er einfaldlega ekki í boði annars staðar, með bestu myndverunum, aðgangi að ökumönnum og hæfileikamenn í beinni útsendingu á borð við Mika Häkkinen og David Coulthard, sem F1 aðdáendur þekkja vel, ásamt Tom Kristensen einum sigursælasta LeMans ökumanni allra tíma. Með því að bæta við einkaefni frá Max munum við færa áhorfendur inn í hraðasta þátt á jörðinni, sem aldrei fyrr. Við hlökkum mikið til samstarfsins við Max Verstappen og höldum áfram að bjóða íslenskum áhorfendum fjölbreytt sjónvarpsefni.“