Enski boltinn

Maðurinn sem á að mata Pogba og félaga

Þótt José Mourinho hefur ekki fengið allt sem hann vildi í sumar keypti hann þó Brassann Fred frá Shakhtar Donetsk.

Frammistaða Freds með Manchester United á undirbúningstímabilinu hefur lofað góðu

Frederico Rodrigues de Paula Santos, eða Fred, lék í fimm ár með Shakhtar Donetsk, varð þrisvar sinnum Úkraínumeistari með liðinu og lék fjölmarga leiki með því í Meistaradeild Evrópu. 

Í sumar keypti Manchester United brasilíska miðjumanninn svo fyrir 43,7 milljónir punda. José Mourinho, knattspyrnustjóri liðsins, var ekki sáttur með gang mála á félagaskiptamarkaðnum í sumar en landaði þó hinum 25 ára gamla Fred.

Stuðningsmenn United vonast til að Fred reynist félaginu jafn vel og annar brasilískur miðjumaður, Fernandinho, hefur reynst Manchester City eftir að hann var keyptur frá Shakhtar fyrir nokkrum árum. Fred hefur leikið átta landsleiki fyrir Brasilíu og var í brasilíska hópnum á HM í Rússlandi í sumar.

Fred er vel spilandi alhliða miðjumaður sem er með góðar sendingar. Hans hlutverk hjá United verður að halda takti í spilinu og koma boltanum á leikmenn á borð við Paul Pogba, Alexis Sánchez og Romelu Lukaku í hættulegum stöðum.

Fred getur líka unnið boltann en gengur stundum full hart fram. Á síðasta tímabili fékk hann 11 gul spjöld og eitt rautt í 26 leikjum í úkraínsku úrvalsdeildinni.

Þessi grein birtist í sérblaði um enska boltann sem fylgdi Fréttablaðinu í dag.

Athugasemdir

Auglýsing
Auglýsing

Tengdar fréttir

Enski boltinn

Mané braut þumalputta á æfingu

Enski boltinn

Mourinho sagði hórusonum að fokka sér

Enski boltinn

Matic tæpur fyrir leikinn gegn Chelsea

Auglýsing

Nýjast

Bolt ekki á leiðinni til Möltu

Haukur og Dagur í hópi vonarstjarna Evrópu

Khan dregur til baka tilboð sitt í Wembley

Wenger boðar endurkomu sína

Gunnlaugur áfram í Laugardalnum

„Fátt annað komist að undanfarna mánuði"

Auglýsing