Bakvörðurinn Martin Hermannsson sem er samningsbundinn Valencia í einni sterkustu körfuboltadeild Evrópu skrifaði í dag undir framlengingu á samningi sínum við spænska félagið, nokkrum vikum eftir að hann sleit krossband.

Martin átti eitt ár eftir af samningi sínum við Valencia en er nú samningsbundinn Valencia fram á sumarið 2024.

Vesturbæingurinn er að ná sér af alvarlegum meiðslum eftir að hafa slitið krossband í úrslitakeppninni með Valencia á dögunum.

Sjá einnig
Martin með slitið kross­band - ,,Lífið er ekki alltaf sann­gjarnt"

Íslendingurinn kom til Valencia sumarið 2020 eftir að hafa leikið með Alba Berlin í Þýskalandi og Étoile Charleville-Mézières og Châlons-Reims í Frakklandi á atvinnumannaferlinum.

Martin er með 8,2 stig, 3,6 stoðsendingu og 1,5 frákast að meðaltali í leik fyrir Valencia sem er með eitt af sterkustu liðum Spánar.