Kamerúnski miðvörðuinn Joël Matip fór meiddur af velli þegar Liveprool laut í lægra haldi gegn Dort­mund , 3:1, í vináttuleik í Banda­ríkj­un­um í gærkvöldi. Leikið var í Char­lotte í Norður-Karólínu.

Það var Virgil van Dijk sem skoraði mark Liverpool um miðbik fyrri hálflelik, en Christian Pu­lisic skoraði tvívegis Dort­mund og og Jacob Bru­un Lar­sen eitt fyrir þýska liðið. 

Matip fór meidd­ur af velli snemma í leiknum og Jür­gen Klopp, knatt­spyrn­u­stjóri Liverpool, sagði í  samtali við fjölmiðla eft­ir leik­inn að um togn­un eða rifu í vöðva væri að ræða og það kæmi bet­ur í ljós eft­ir skoðun í dag hvers eðlis meiðslin væru. 

Liverpool leikur gegn Manchester City í næsta vináttuleik, en leikurinn fer fram á MetLifa-leikvanginum í New Jersy aðfaranótt fimmtudags.