NBA

Lét Kevin Hart heyra það eftir sigurkörfuna

Dwayne Wade lét einn af þekktari gamanleikurum í Hollywood heyra það eftir að hafa neglt síðasta naglann í kistu Philadelphia 76ers.

Wade var stigahæstur á vellinum þegar Miami jafnaði metin gegn Philadelphia. Fréttablaðið/Getty

Dwayne Wade sýndi gamla takta þegar Miami Heat bar sigurorð af Philadelphia 76ers, 103-113, í öðrum leik liðanna í 8-liða úrslitum Austurdeildar NBA í nótt. Með sigrinum jafnaði Miami metin í 1-1.

Wade skoraði 28 stig á aðeins 26 mínútum og leiddi sína menn til sigurs. Hann tók einnig sjö fráköst, gaf þrjár stoðsendingar og stal boltanum í tvígang.

Wade var sérstaklega öflugur í fyrri hálfleik en á síðustu 15 mínútum hans skoraði hann 21 stig. Á meðan skoraði Philadelphia 20 stig samtals.

Wade var einnig drjúgur undir lokin og kláraði leikinn með því að setja niður stökkskot þegar 48 sekúndur voru eftir. Hann lét ekki þar við sitja og lét leikarann og Philadelphia-stuðningsmanninn Kevin Hart, sem sat í fremstu röð, heyra það.

Wade sneri aftur til Miami í vetur eftir stutt stopp hjá Cleveland Cavaliers. Hann lék áður með Miami á árunum 2003-16 og varð þrívegis meistari með liðinu.

Athugasemdir

Auglýsing
Auglýsing

Tengdar fréttir

NBA

Konungleg frammistaða hjá LeBron

NBA

Tryggvi einn af bestu Evrópu­búunum í ný­liða­valinu

NBA

Eiginkona Popovich látin

Auglýsing

Nýjast

HM 2018 í Rússlandi

Salah í deilum um ímyndarrétt sinn

Sport

Magnús Gauti og Nevena hlutskörpust

Handbolti

Pinnonen kveður Aftureldingu

Fótbolti

Ömurlegur leikaraskapur í Grikklandi - myndband

Íslenski boltinn

Nýliðarnir duttu ekki í lukkupottinn

Fótbolti

Aðeins fimm skorað meira en Alfreð í þýsku deildinni

Auglýsing