Danski miðvallarleikmaðurinn Lasse Petry mun ekki leika með karlaliði Vals í knattspyrnu á komandi keppnistímabili.
Þessi 28 ára gamli leikmaður hefur leikið með Val undanfarin tvö ár en hann lék 17 af 18 leikjum liðsins í deildinni í sumar og skoraði tvö mörk.
Petry hefur samið við danska B-deildarliðið HB Köge. Þar verður hann samherji Eddi Gomes sem lék með FH árið 2018.
Daninn er þriðji leikmaðurinn sem Valur missir frá því að liðið varð Íslandsmeistari í haust. Áður höfðu Eiður Aron Sigurbjörnsson farið til ÍBV, Einar Karl Ingvarsson til Stjörnunnar og Valgeir Lunddal Friðriksson til Svíþjóðar.
Aron Bjarnason er svo farinn aftur til Ungverjalands eftir lánsdvöl sína á Hlíðarenda. Valur hefur hins vegar fengið til sín Arnór Smárason, Tryggva Hrafn Haraldsson og Kristófer Jónsson.
