Lars Lager­back, fyrrum lands­liðs­þjálfari ís­lenska karla­lands­liðsins í knatt­spyrnu er á meðal nokkurra þekktra nafna sem eru ætla sér að að­stoða GIF Sund­svall, fé­lag sem er í vanda um þessar mundir.

Greint er frá mála­vendingum í sænska vef­miðlinum Sundsvalls Tidning þar sem segir að sænska knatt­spyrnu­fé­lagið GIF Sund­svall hafi leitað á náðir nokkurra þekktra ein­stak­linga í sænska knatt­spyrnu­heiminum og beðið þá um að­stoð en félagið féll úr sænsku úrvalsdeildinni á síðasta tímabili.

Á­samt Lars Lager­back er í þessum hóp að finna Emil Fors­berg, leik­mann RB Leipzig og Pelle

Nils­son en þeir mynda stjörnu­tríóið eins og Sund­svalls Tidning kýs að kalla þá.

,,Þegar hlutirnir fara á verri veg þá leitar maður í kringum sig að stuðningi, maður þarf að vera hug­mynda­ríkur í slíku ferli og finna lausnir. Svona byrjaði þetta," segir Kal­le Stahl í sam­tali við Sund­svalls Tidning.

Emil Fors­berg og Pelle Nils­son eiga báðir for­tíð með GIF Sund­svall en Lars Lager­back ekki.