Gylfi var handtekinn um miðjan júlí og er grunaður um kynferðisbrot gegn barni. Samkvæmt enskum blöðum hefur hann harðneitað sök í málinu en málið hefur verið til rannsóknar síðan.

Flestir áttu von á niðurstöðu úr rannsókn málsins í síðustu viku en nú er ljóst að enginn tíðindi verða í málinu fyrr en á næsta ári. Þeir lögfræðingar sem Fréttablaðið hefur rætt við segja erfitt að lesa í þá staðreynd að rannsókn málsins taki langan tíma. Mál knattspyrnumanns á Englandi frá 2015 sem vakti mikla athygli tók sex vikur í rannsókn áður lögregla tók ákvörðun um að gefa út ákæru. Mál Gylfa Þórs verður í sex mánuði í rannsókn miðað við nýjustu tíðindi.

Þegar rannsókn er á enda kemur í ljós hvort málið verði látið niður falla eða ákæra verði gefin út. Ef ákæra verður gefin taka við réttarhöld.

16. júlí: Gylfi Þór handtekinn í Manchester

Föstudaginn 16. júlí var Gylfi handtekinn af lögreglunni í Manchester vegna gruns um kynferðisbrot gegn ólögráða einstaklingi. Eftir skýrslutöku hjá lögreglunni var Gylfi látinn laus gegn tryggingu. Tvær vikur eru eftir af tímanum sem kveðið var upp um að Gylfi væri laus gegn tryggin

17. júlí: Samfélagsmiðlar byrja að slúðra

Netverjar gera því í skóna á samfélagsmiðlum að Gylfi Þór Sigurðsson hafi verið handtekinn af lögreglunni í Manchester vegna gruns um kynferðisbrot gegn barni. Húsleit hafi verið gerð á heimili Gylfa Þórs samhliða handtökunni. Gylfi Þór lék ekki með Everton í æfingaleik þá helgi

19. júlí: Settur í leyfi hjá félagsliði sínu, Everton

Everton staðfestir að leikmaður liðsins hafi verið settur í ótímabundið leyfi hjá félaginu vegna lögreglurannsóknar. Skömmu síðar greinir Everton frá því að um sé að ræða 31 árs gamlan leikmann liðsins. Hringurinn þrengdist síðan enn frekar þegar Fabian Delph sagði að hann væri ekki umræddur leikmaður. Þá var Gylfi eini leikmaðurinn sem gat komið til greina í leikmannahópi liðsins.

20. júlí: Nafnið birt í íslenskum fjölmiðlum

Íslenskir fjölmiðlar segja frá því að Gylfi Þór sé til rannsóknar hjá lögreglunni í Manchester vegna kynferðisbrots gegn barni. Gylfi Þór hefur ekkert tjáð sig um ásakanir í sinn garð. Breskir fjölmiðlar vitna í þá íslensku hvað nafngreininguna varðar. Ekkert hefur skýrst meira í málinu síðan þá

11. ágúst: Málið ennþá til rannsóknar

Lögreglan í Manchester staðfestir að mál Gylfa Þórs sé enn til rannsóknar hjá embættinu. Rætt hafði verið um að hann myndi mæta fyrir dómara 12. eða 13. ágúst en ekkert varð úr því. Næsta dagsetning í málinu er þá 16. október.

25. ágúst: Ekki í landsliðshópnum

Arnar Þór Viðarsson og Eiður Smári Guðjohnsen tilkynna landsliðshóp sinn fyrir komandi leiki í undankeppni HM 2022. Gylfi Þór er ekki í leikmannahópnum og Arnar Þór segist ekki hafa rætt við Gylfa Þór síðan hann var handtekinn. Á fimmtudaginn síðastliðinn var svo sömu sögu að segja. Gylfi Þór var ekki valinn í næstu leiki liðsins gegn Armeníu og Liechtenstein sem spilaðir verða á Laugardalsvelli í október. Arnar Þór hefur ekki verið í sambandi við hann síðustu vikurnar.

11. september: Ekki í hópnum hjá Everton

Everton sendir frá sér staðfestingu á leikmannahópi liðsins fyrir komandi keppnistímabil í ensku úrvalsdeildinni 1. september og var hópurinn birtur á vefsíðu félagsins laugardaginn 11. september. Þar er nafn Gylfa Þórs ekki að finna á meðal leikmanna í hópi liðsins. Þar af leiðandi liggur fyrir að hann muni ekki spila með félagsliði sínu fyrr en í upphafi næsta árs í fyrsta lagi.

18. október - Rannsókn heldur áfram.

Gylfi var laus gegn tryggingu til 16. október en enginn niðurstaða kom fyrir þann dag. Lögreglan í Manchester tók ákvörðun um að halda rannsókn málsins áfram. Gylfi Þór verður laus gegn tryggingu til 16 janúar á næsta ári. Gylfi hefur flutt sig um set í Bretlandi og býr nú í London.