Sleggjukastarinn Vigdís Jónsdóttir úr FH bætti í gær eigið Íslandsmet í sleggjukasti á níunda Origo mótinu sem fram fór í Kaplakrika. Vigdís kastaði 62,69 metra og bætti eigið Íslandsmet um 11 sentimetra.

Fyrra metið var um tveggja vikna gamalt en Vigdís átti það sjálf og var hún að bæta Íslandsmetið í þriðja sinn í sumar og í tólfta skiptið í heildina.

Vigdís er því greinilega í sínu besta formi og við hvetjum alla til þess að fylgjast með henni og fremsta frjálsíþróttafólki Íslands á Meistaramótinu sem fer fram á Þórsvelli 25. og 26. júlí á Þórsvelli, Akureyri.

Þar mun hún etja kappi við sinn helsta andstæðing Elísa­betu Rut Rúnarsdóttur.