Fótbolti

Líklegt byrjunarlið gegn Frökkum

Ísland mætir Frakklandi í vináttulandsleik í knattspyrnu karla í Guingamp um kvöldmatarleytið. Búast má við nokkrum breytingum á byrjunarliði íslenska liðsins frá síðasta leik sem var gegn Belgíu í Þjóðadeild UEFA í september síðastliðnum.

Erik Hamrén mun að öllum líkindum gera allavega fjórar bretyingar á byrjunarliði íslenska liðsins frá síðasta leik. Fréttablaðið/Ernir

Leiða má líkum að því að Erik Hamrén og Freyr Alexandersson, þjálfarar íslenska karlalandsliðsins í knattspyrnu muni gera um það bil fjórar breytingar á byrjunarliði íslenska liðsins frá síðasta leik liðsins sem var tapleikur gegn Belgíu gegn Þjóðadeild UEFA á Laugardalsvelli í síðasta mánuði þegar liðið mætir Frakklandi í vináttulandsleik í Guingamp í kvöld. 

Emil Hallfreðsson sem hóf leikinn gegn Belgum inni á miðsvæðinu er meiddur og verður ekki með í leiknum í kvöld. Þá er Jón Daði Böðvarsson sem leiddi framlínu liðsins sömuleiðis að glíma við meiðsli og er fjarri góðu gamni. 

Sverrir Ingi Ingason var veikur í gær og ekki víst að hann verði búinn að ná sér í tæka tíð fyrir leikinn í kvöld og Hörður Björgvin Magnússon er tæpur vegna meiðsla sinna í læri og rassvöðva.

Líklegt þykir að Kári Árnason, Jóhann Berg Guðmundsson, Alfreð Finnbogason og Arnór Ingvi Traustason leysi fyrrgreinda leikmenn af hólmi þegar Ísland etur kappi við ríkjandi heimsmeistara.  

Fréttablaðið spáir því að byrjunarlið íslenska liðsins verði svona: 

Mark: Hannes Þór Halldórsson. Vörn: Ari Freyr Skúlason, Kári Árnason, Ragnar Sigurðsson, Birkir Már Sævarsson. Miðja: Birkir Bjarnason, Rúnar Már Sigurjónsson, Gylfi Þór Sigurðsson. Sókn: Jóhann Berg Guðmundsson, Alfreð Finnbogason, Arnór Ingvi Traustason. 

Athugasemdir

Auglýsing
Auglýsing

Tengdar fréttir

Fótbolti

Þjálfari Slóveníu rekinn fyrir að gagnrýna Oblak

Fótbolti

Mbappe vonast til að fara á Ólympíu­leikana árið 2020

Fótbolti

Rubin Kazan bannað frá Evrópukeppnum

Auglýsing

Nýjast

Magnaður endasprettur skilaði Haukum sigri

Keflvíkingar niðurlægðu granna sína

Tindastóll og Njarðvík áfram með fullt hús

Öll íslensku liðin komin í úrslit

Fram ræður þjálfara

Frumraun LeBron með Lakers í nótt

Auglýsing