Franska knatt­spyrnu­goð­sögnin Zine­dine Zi­da­ne mun gegn sendi­herra stöðu hjá franska For­múlu 1 liðinu Alpine. Fá þessu var greint við frum­sýningu liðsins á keppnis­bíl sínum fyrir komandi tíma­bil í móta­röðinni.

Zi­da­ne er einn allra besti knatt­spyrnu­maður sögunnar og eftir leik­manna­ferilinn hefur hann verið að gera góða hluti sem knatt­spyrnu­stjóri. Hann er nú án starfs en getur því tekið að sér þetta sendi­herra hlut­verk hjá Alpine sem ætlar sér stóra hluti á komandi tíma­bili í For­múlu 1.

„Ég er mjög á­nægður með að vera hér í dag,“ sagði Zi­da­ne er hann á­varpaði við­stadda á frum­sýningu Alpine í Lundúnum. „Ég hef séð flotta hluti frá þessu liði og er á­nægður með að vera hluti af því, að vera hluti af Alpine liðinu og fá að vera með ykkur hér í dag.“

Það mætti segja að það ríki mikil eftir­vænting í garð frammi­stöðu Alpine á komandi tíma­bili. Liðið hefur verið að ganga í gegnum miklar breytingar, sér í lagi með brott­hvarfi tvö­falda heims­meistarans Fernando Alon­so.

Í ár mun liðið tefla fram frönsku og hæfi­leika­ríku öku­mann­spari í Pi­er­re Gasly og Esteban Ocon.

Þó svo að Zi­da­ne sé orðinn hluti af Alpine liðinu, sagðist hann vonast til að snúa aftur í knatt­spyrnu­stjóra starfið fljót­lega.

„Ég hef tíma núna en ég veit ekki hversu lengi. Ég vil þjálfa á nýjan leik. Kannski hef ég tíma til að eyða fram í júní en hlutirnir geta breyst mjög fljótt.“