KR fékk góðan liðsstyrk fyrir komandi tímabil í Dominos-deild kvenna þegar félagið samdi við Kiönu Johnson um að leika með liðinu á tímabilinu sem hefst í næsta mánuði.

Karfan.is greinir frá þessu í dag.

KR komst upp í efstu deild á nýjan leik síðasta vor eftir að hafa farið í gegnum 1. deildina án þess að tapa leik. Töpuðu þær hvorki leik í deildarkeppninni né úrslitakeppninni.

Johnson var á sínum tíma valinn leikmaður ársins í NCAA Division tvö með Virginia Union háskólanum ásamt því að leika með Michigan State háskólanum fyrstu árin sín í háskólaboltanum.

Var hún ekki valin í nýliðavali WNBA-deildinni og hélt hún til Finnlands þar sem hún samdi fyrst við lið Forssan Alku.

Fór hún þaðan yfir til Honka sem hún lék með á síðasta tímabili. Var hún einn besti leikmaður deildarinnar með 17,4 stig, 6,7 fráköst og 5,7 stoðsendingar að meðaltali í leik á síðasta tímabili.