Guðmundur Þórður Guðmundsson, þjálfari íslenska karlalandsliðsins í handbolta, hefur gert tvær breytingar á leikmannahópi liðsins sem mætir Litháen í undankeppni EM 2022 í Laugardalshöll 4. nóvember næstkomandi.

Ólafur Andrés Guðmundsson hefur dregið sig úr hópnum vegna meiðsla og Arnór Þór Gunnarsson á ekki heimangengt af persónulegum ástæðum.

Í stað þeirra koma inn í hópinn Kristján Örn Kristjánsson sem spilar fyrir franska liðið AIX Pauc og Magnús Óli Magnússon, leikmaður Vals.

Íslenski hópurinn kemur saman í Reykjavík næstu helgi og æfir liðið á mánudag og þriðjudag.