For­múla 1 er karl­læg móta­röð, það er stað­reynd sem ekki er hægt að líta fram­hjá. Allir öku­menn mótaraðarinnar eru karl­menn, allir liðs­stjórarnir, keppnis­stjórn­endurnir eru sömu­leiðis karl­menn en eftir síðustu keppnis­helgi er at­hyglin svo til öll á Hönnu Schmitz, aðal­tækni­fræðingi Red Bull Ra­cing.

Mikil á­byrgð er á herðum Hönnu líkt og öðrum aðal­tækni­fræðingum í For­múlu 1. Hún sér um teymi sem hefur það verk­efni að reikna út allar mögu­legar að­stæður sem upp geta komið í tengslum við keppnis­helgar þar sem öku­menn aka um og yfir 300 kíló­metra hraða á klukku­stund.

Það að gefa Red Bull Ra­cing sem mesta mögu­leika á sigri í gegnum keppnis­á­ætlanir er hlut­verk Hönnu sem stjórnanda keppnis­á­ætlunar­teymisins og það hefur heldur betur skilað sér og vakti at­hygli um ný­liðna keppnis­helgi þar sem keppnis­á­ætlun Max Ver­stappen gekk full­kom­lega upp á meðan keppi­nautarnir í Ferrari tóku á­körðun sem varð til þess að liðið kastaði frá sér sigrinum.

,,Í þessari móta­röð hefurðu ekki efni á mis­tökum. Auð­vitað er mjög erfitt að ná alltaf öllu réttu en ég er með gott teymi á bak­við mig skipað körlum og konum," sagði ríkjandi heims­meistarinn Max Ver­stappen, öku­maður Red Bull Ra­cing eftir að hafa borið sigur úr býtum í Ung­verja­land­s­kapp­akstrinum um ný­liðna helgi.

Ver­stappen varpaði einnig ljósi á þátt Hönnu í sigri sínum. ,,Hanna, aðal­tækni­fræðingurinn okkar hélt ró sinni mjög vel í dag og skipti sköpum fyrir okkur. Hún er mjög góð í því sem hún gerir."

Þegar lófarnir snúa niður

Hanna Schmitz snýr lófunum niður að borði þegar hún er að taka mikil­væga á­kvörðun í tengslum við keppnis­á­ætlun Red Bull Ra­cing á meðan kapp­akstur stendur yfir. Það hjálpar henni að halda ein­beitingu.

,,Þetta er ó­trú­lega spennandi starf. Maður situr á brúninni á stólnum, eftir að hafa tekið mikil­væga á­kvörðun, og bíður eftir því að sjá hvort hún muni skila sér," segir Hanna í við­tali sem birtist á heima­síðu Red Bull.

Lófarnir niður
Mynd: Red Bull

Hanna hefur á­vallt þurft að berjast mikið fyrir sínu. Hún sótti meistara­gráðu sína í véla­verk­fræði hjá há­skólanum í Cam­brid­ge áður en hún fór sem starfs­nemi til Red Bull Ra­cing árið 2009.

Hún segir það hafa tekið tíma fyrir stjórn­endur hjá liðinu að byggja upp traust á henni, eitt­hvað sem hún vonar að verði ekki raunin fyrir konur sem feta í fót­spor hennar.

,,Ég tel að það sé mikið af fólki sem hafi þá ó­sjálf­rátt ekki trú á þér. Í mínu starfi þarftu að segja fólki hvað það eigi að gera og það þarf að sama skapi að hlusta á það sem þú ert að segja. Þetta snýst um að byggja upp traust og sem kona tel ég því miður að það hafi verið erfiðara en nú er þetta traust komið og ég vona að ungar konur sjái þetta sem tæki­færi til þess að stíga upp, því þær geta það."