Kári Jónsson, landsliðsmaður í körfubolta, greindist með kórónaveiruna þegar hann kom til Girona á Spáni en þar mun hann leika næstu misserin.

Það er mbl.is sem greinir frá þessu en þar segir að Kári finni fyrir kvefeinkennum en hann hafi það ágætt samt sem áður. Kórónaveiran hafi ekki haft alvarleg áhrif á hann.

„Á mánu­dag­inn fékk ég já­kvæða niður­stöðu úr kór­ónu­veiru­prófi. Þetta er því brös­ug byrj­un en fyr­ir utan hana líst mér vel á að vera kom­inn aft­ur út,“ sagði Kári um veikindin.

„Ég var með ein­kenni en bara slapp­leiki og ekk­ert al­var­legt. Ég vona að það sé bara búið og mér fannst þetta nokkuð svipað því að fá flensu eins og þetta var í mínu til­felli,“ sagði Kári en næstu leikj­um Girona sem leikur í spænsku B-deildinni hef­ur verið frestað.

„Ég fer í annað próf í næstu viku. Vænt­an­lega fljót­lega eft­ir helgi. Ef við fáum all­ir nei­kvæða niður­stöðu út úr því þá get­ur liðið farið að æfa sam­an aft­ur. Við átt­um að spila þrjá leiki á liðlega viku og þeim var öll­um frestað. Næsti leik­ur hjá okk­ur verður því ekki fyrr en 3. janú­ar. En það er vænt­an­lega ágætt fyr­ir okk­ur því við fáum þá smá tíma til að koma okk­ur í gír­inn,“ sagði Kári í samtali við mbl.is um framhaldið.