Í­þróttar­kona og í­þrótta­karl ársins 2020 í Kópa­vogi voru til­kynnt á í­þrótta­há­tíð Kópa­vogs í Salnum í kvöld en Karen Sif Ár­sæls­dóttir, frjáls­í­þróttar­kona úr Breiða­bliki, og Arnar Péturs­son, frjáls­í­þrótta­maður úr Breiða­bliki, hlutu þar kjör.

Karen og Arnar voru valin úr hópi 42 í­þrótta­manna sem fengu viður­kenningu í­þrótta­ráðs eftir til­nefningar frá í­þrótta­fé­lögunum í Kópa­vogi. Ár­mann Kr. Ólafs­son, bæjar­stjóri Kópa­vogs, af­henti þeim bikara auk þess sem þau fengu 200 þúsund króna á­vísun.

Viðburðarríkt ár

Að því er kemur fram í til­kynningu um málið er Karen í­þrótta­kona ársins 2020 hjá Breiða­bliki en hún er einnig Ís­lands- og bikar­meistari kvenna í stanga­stökki og hefur ekki tapað keppni á árinu. Hún var ný­lega valin í A-lands­liðið í frjálsum í­þróttum og æfri í Dan­mörku.

Arnar gekk til liðs við Breiða­blik í upp­hafi árs 2020 og vann alls sex Ís­lands­meistara­titla á árinu, bæði fyrir götu­hlaup og lang­hlaup á braut. Hann stefnir nú á Ólympíu­leikana í Tókýó, sem stefnt er á að fari fram í suman, en hann er einnig hlaupa­þjálfari og fyrir­lesari. Líkt og Karen er Arnar einnig í A-lands­liði Ís­lands.

Viðurkenningar fyrir árið 2020 má finna hér fyrir neðan.

Flokkur 17 ára og eldri:

Arnar Pétursson frjálsar íþróttir, Bjarki Pétursson golf, Ingvar Ómarsson hjólreiðar, Karen Sif Ársælsdóttir frjálsar íþróttir, Matthildur Einarsdóttir blak, Patrik Viggó Vilbergsson sund, Sofía Sóley Jónasdóttir tennis, Sonný Lára Þráinsdóttir knattspyrna, Sóley Margrét Jónsdóttir, kraftlyftingar, Valgarð Reinhardsson, áhaldafimleikar.

Flokkur 13 til 16 ára:

Aron Logi Hrannarsson dans, Ásta María Armesto Nuevo dans, Björgvin Ingi Ólafsson borðtennis, Dagur Fannar Ólafsson golf, Daníel Wang tennis, Embla Hrönn Halldórsdóttir, körfuknattleikur, Finnur Hugi Finnsson dans, Guðmundur Karl Karlsson sund, Gunnar Erik Guðmundsson skák, Helena Einarsdóttir blak, Henríetta Ágústsdóttir knattspyrna, Hildur Maja Guðmundsdóttir fimleikar, Hilmar Andri Lárusson fimleikar, Hlynur Freyr Karlsson knattspyrna, Hulda María Sveinbjörnsdóttir hestaíþróttir, Inga Dís Jóhannsdóttir handknattleikur, Júlía Kristín Jóhannesdóttir frjálsar íþróttir, Jökull Jóhannsson blak, Karen Lind Stefánsdóttir golf, Kristín Helga Hákonardóttir sund, Logi Guðmundsson körfuknattleikur, Magnús Arnar Pétursson knattspyrna, Margrét Davíðsdóttir skíði, Marín Aníta Hilmarsdóttir bogfimi, Markús Birgisson frjálsar íþróttir, Nicole Chakmakova tennis, Pétur Már Mortensen Birgisson bogfimi, Rósa Kristín Hafsteinsdóttir dans, Sigurður Baldur Ríkharðsson hestaíþróttir, Tómas Pálmar Tómasson karate, Vigdís Lilja Kristjánsdóttir knattspyrna, Viktor Már Sindrason handknattleikur.

Flokkur ársins 2020 var kjörinn meistaraflokkur Breiðabliks í knattspyrnu kvenna en liðið varð Íslandsmeistari í knattspyrnu á árinu.

Einnig voru veittar viðurkenningar fyrir þátttöku í alþjóðlegum meistaramótum og heiðursviðurkenningar íþróttaráðs.