Knattspyrnusamband Íslands KSÍ sendi frá sér tilkynningu síðdegis í dag þar sem fram kemur að íslenska kvennalandsliðið í knattspyrnu muni leika vináttulandsleik gegn Skotlandi í janúar á næsta ári. 

Leikurinn mun fara fram á La Manga á Spáni 21. janúar og verður þetta fyrsti leikurinn sem Jón Þór Hauksson stýrir, en hann tók við íslenska liðinu af Frey Alexanderssyni í haust. 

Íslenska landsliðið fór einnig til La Manga í byrj­un þessa árs og lék þar vináttu­lands­leik gegn Nor­egi, en norska liðið fór með 2-1 sigur af hólmi í þeim leik.

Ísland var með Skotlandi í riðli í undan­keppni EM 2017, en leikur liðanna á skoskri grundu endaði með sannfærandi 4-1 sigri íslenska liðsins og Ísland fór bar sömuleiðis sigur úr býtum 2-1 á Laugardalsvellinum.