Snæfríður Sól Jórunnardóttir og Jóhanna Elín Guðmundsdóttir syntu í undanrásum í 100 metra skriðsundi á Evrópumótinu í 50 metra laug í Búdapest í Ungverjalandi í morgun.

Snæfríður Sól synti í þriðja riðli á fyrstu braut og lauk keppni á tímanum 56,63 sekúndum sem er alveg við hennar besta tíma sem er 56,32 sekúndur. Hún endaði í 52.sæti í greininni.

Jóhanna Elín var í öðrum riðli á sjöttu braut og lauk sínu sundi á 57,35 sekúndum em er betri tími en hún hefur áður sett í greininni og varð í 58.sæti í greininni. Besti Jóhönnu Elínar var áður 57.61 sekúndur.

Ragnheiður Ragnarsdóttir á Íslandsmetið í greininni, en það er 55,66 sekúndur og sett í Reykjanesbæ árið 2009.

Á morgun synda þau Jóhanna Elín 50 metra flugsund og Dadó Fenrir Jasmínuson 50 metra skriðsund. Að auk syndir boðsundssveit Íslands 4x100 metra skriðsund í blönduðum flokki.

Í þeirri sveit synda auk Jóhönnu Elínar og Dadós Fenris þau Kristinn Þórarinsson og Snæfríður Sól.