Fótbolti

Þjálfari Slóveníu rekinn fyrir að gagnrýna Oblak

Tomas Kavcic entist ekki í ár í starfi sem þjálfari slóvenska landsliðsins en kornið sem fyllti mælinn var þegar hann úthúðaði besta leikmanni liðsins í viðtali og sakaði hann um lygar.

Oblak er einn af bestu markvörðum heims. Fréttablaðið/Getty

Búið er að segja upp samningi Tomas Kavcic sem landsliðsþjálfara Slóveníu eftir að hann sakaði Jan Oblak, stærstu stjörnu liðsins um lygar og gagnrýndi hann í viðtölum á dögunum.

Kavcic tók við liðinu fyrir tæpu ári síðan en undir hans stjórn vannst aðeins einn leikur af sjö.

Oblak sem leikur með Atletico Madrid, samdi við knattspyrnusamband Slóveníu um að fá að sleppa leikjum Slóveníu í Þjóðadeild UEFA í nýafstöðnu landsleikjahléi til að geta unnið að endurhæfingu eftir meiðsli.

Kavcic sagðist í samtali við fjölmiðla í Slóveníu ekkert hafa heyrt af þessu og kvartaði sáran undan því að fá engar útskýringar frá Oblak.

„Hann vildi ekki tala við mig, það er verið að ljúga að mér. Hann neitaði að tala við mig þótt að við þyrftum á honum að halda,“ sagði Kavcic sem varð til þess að hann var rekinn.

Athugasemdir

Auglýsing
Auglýsing

Tengdar fréttir

Fótbolti

Arnari sagt upp hjá Lokeren

Fótbolti

Mæta Skotlandi á Spáni í dag

Fótbolti

PAOK búið að bjóða í Sverri Inga

Auglýsing

Nýjast

Línur munu skýrast í milliriðlunum í kvöld

Buvac formlega hættur störfum hjá Liverpool

Martin spilar til úrslita í þýska bikarnum

Góður skóli fyrir ungt lið Íslands

Pressan eykst á Sarri eftir tap gegn Arsenal

Patriots og Rams mætast í SuperBowl

Auglýsing