Golf

Íslensku kylfingarnir unnu EM

Íslenska liðið varð Evrópumeistari í blandaðri keppni í golfi sem haldið var á Gleneagles-vellinum í Skotlandi í dag.

Axel Bóasson og Ólafía Þórunn Kristinsdóttir fagna sigrinum í dag.

Ólafía Þórunn Kristinsdóttir, Axel Bóasson, Valdís Þóra Jónsdóttir og Birgir Leifur Hafþórsson urðu í dag Evrópumeistarar í blandaðri liðakeppni í golfi, en mótið fór fram á Gleneagles-vellinum í Skotlandi.

Ólafía Þórunn og Axel voru saman í liði og Birgir Leifur og Valdís Þóra léku saman. Þau skiptust á að slá upphafshöggin á hverri holu og léku síðan einum bolta út holuna. Samanlagt skor beggja liða taldi í liðakeppninni.

Ísland lék samtals á þremur höggum undir pari vallarins og var einu höggi á undan bresku liði sem varð í öðru sæti. 

Birgir Leifur og Valdís Þóra léku á undan og eftir sveiflukenndan hring setti Valdís niður glæsilegt pútt fyrir fugli á lokaholu sinni og kom íslenska liðinu í vænlega stöðu.

Ólafía Þórunn og Axel fengu svo fjóra fugla í röð á fyrri níu holunum. Þau léku af öryggi á síðari níu holunum og tryggðu sigur Íslands með pari á lokaholunni.

Athugasemdir

Auglýsing
Auglýsing

Tengdar fréttir

Golf

Umfangsmiklar breytingar á golfreglunum

Golf

Áhugasöm um að bæta við móti á Íslandi

Golf

Tiger Woods fór holu í höggi í fyrsta sinn í tuttugu ár

Auglýsing

Nýjast

Njarðvíkingar með fimm sigra í röð

Öruggur Vals­sigur í Reykja­víkurs­lagnum gegn Fram

Segja Björn Daníel hafa samþykkt tilboð frá FH

Doherty hetja Úlfanna gegn Newcastle

Róbert Ísak raðar inn titlum

Heimir mættur til Katar

Auglýsing