Fótbolti

„Íslenska liðið neitaði að gefast upp í kvöld“

Þjálfara Sviss fannst sigur sinna manna verðskuldaður í leikslok eftir að hafa stýrt leiknum lengst af en honum fannst Sviss ekki nægilega duglegt að loka á svæðið fyrir utan vítateiginn sem gaf Íslandi nokkur færi undir lok leiksins.

Petkovic tekur í spaðann á varamanninum Edimilson Fernandes Fréttablaðið/Getty

Við komum hingað til að sækja þrjú stig og það er það sem skipti máli í kvöld. Við eigum enn möguleika á að verða efstir í riðlinum fyrir lokaleikinn,“ sagði Vladimir Petković, þjálfari Sviss á blaðamannafundi eftir leikinn.

„Við byrjuðum leikinn vel en hleyptum Íslandi inn í leikinn eftir fyrstu tíu mínútur leiksins. Ég minnti liðið á að einfalda hlutina í hálfleik og þá náðum við stjórn á leiknum á ný og við áttum sigurinn fyllilega skilið.“

Petkovic fannst sínir menn vera óheppnir að gera ekki út um leikinn í upphafi seinni hálfleiks.

„Við skoruðum tvö mörk en fengum færi til að setja 2-3 til viðbótar en náðum ekki að nýta okkur það og hleyptum Íslandi inn í leikinn á ný með markinu. Við áttum að gera betur þar og loka betur og fyrr á leikmanninn sem skoraði,“ sagði hann og hélt áfram:

„Það verður þó að hrósa Íslandi, þetta var frábært mark og þeir gáfust ekki upp. Við lærum vonandi af þessu að hætta aldrei til að hleypa liðum ekki inn í leiki á ný.“

Sviss gerði sex breytingar á milli leikjanna gegn Íslandi, fjórar þeirra vegna meiðsla.

„Við getum gert mun betur, okkur gekk illa að halda bolta í fyrri hálfleik en við lærðum mikið af þessum leik í dag. Við spiluðum með tvo framherja til að vera með fleiri sóknarmöguleika og lærum af því.“

Athugasemdir

Auglýsing
Auglýsing

Tengdar fréttir

Fótbolti

Solari fær langtímasamning hjá Real Madrid

Fótbolti

Tveggja leikja bann fyrir pirringskastið

Fótbolti

Rooney mun klára ferilinn í Bandaríkjunum

Auglýsing

Nýjast

Haukar nálgast toppliðin - Stjarnan úr botnsætinu

Birgir Leifur úr leik

Rekinn eftir 73 daga í starfi

Helena: Einhvern veginn allt að

Helena á heimleið

Ólafur bestur þegar mest á reynir

Auglýsing