Heimsmeistaramót fatlaðra í frjálsum íþróttum fer fram í Dubai dagana 7.-15. nóvember næstkomandi. Ísland teflir fram þremur keppendum á mótinu og að þessu sinni eru það þrjár öflugar frjálsíþróttakonur sem munu reyna fyrir sér á stóra sviðinu.

Keppendur Íslands á mótinu verða eftirtaldir:

Bergrún Ósk Aðalsteinsdóttir, ÍR: langstökk, 100m hlaup og 200m hlaup - flokkur T og F37

Stefanía Daney Guðmundsdóttir, KFA/ Eik: langstökk, 400m hlaup - flokkur T og F20

Hulda Sigurjónsdóttir, Ármann: Kúluvarp - flokkur F20

Bergrún Ósk Aðalsteinsdóttir ríður fyrst á vaðið af íslensku keppendunum þann 10. nóvember þegar hún keppir í langstökki.

Hulda Sigurjónsdóttir mun keppa í kúluvarpi á heimsmeistaramótinu í Dubai.
Mynd/ÍF