Dregið var fyrr í dag í riðla í undankeppni EM kvenna í handbolta kvenna sem fram fer í Norður-Makedóníu, Slóveníu og Svartfjallalandi í nóvember 2022.

Stelpurnar okkar voru skráðar í þriðja styrkleikaflokk fyrir dráttinn.

Riðill Íslands í undankeppninni er eftirfarandi:

Svíþjóð

Serbía

Ísland

Tyrkland

Fyrstu tvær umferðir riðlakeppninnar fara fram í byrjun október en þriðja og fjórða umferðin í mars og apríl á næsta ári.

Næsta verkefni íslenska liðsins er hins vegar tveir leikir við Slóveníu í umspili um laust sæti á heimsmeistaramótinu sem fram fer á Spáni í desember seinna á þessu ári.

Þeir leikir verða spilaðir um miðjan apríl næstkomandi.