Norður Evrópumótið í áhaldafimleikum fer fram um komandi helgi en keppt verður dagana 21.-22. september. Mótið verður haldið í fimleikasal Íþróttafélagsins Gerplu í Kópavogi og hefst keppni báða daga kl. 14:00.

Sjö þjóðir munu berjast um titilinn í kvennaflokki og sex í karlaflokki. Á laugardeginum verður keppt í liðakeppni, en fimm keppendur eru liði, fjórir í liðinu keppa á hverju áhaldi og þrjár bestu einkunnirnar telja til stiga og einstaklingskeppni fer einnig fram.

Á sunnudeginum verður keppt á einstökum áhöldum, en þar er krýndur sigurvegari á hverju áhaldi fyrir sig. Einunigs átta bestu á hverju áhaldi frá laugardeginum fá keppnisrétt á sunnudeginum.

Ólympíufarinn Irina Sazonova er mætt aftur til keppni eftir barnsburð, en hún eignaðist frumburð sinn fyrir rúmum sjö mánuðum. Þetta er hennar fyrsta mót eftir barnseginarfrí og mikilvægur partur af undirbúningi hennar fyrir heimsmeistaramótið í Stuttgart sem fram fer í byrjun október á þessu ári.

Irina fær eingöngu eitt tækifæri til þess að tryggja sér sæti á Ólympíuleikunum í Tokyo en heimsmeistaramótið er síðasta úrtökumótið fyrir leikana.

Íslandsmeistarinn Valgarð Reinhardsson mun keppa um helgina en hann er einnig að undirbúa sig fyrir HM í byrjun næsta mánaðar þar sem hann freistar þess að krækja sér í farseðil til Tokyo.

Karlalandsliðið skipa:

Arnþór Daði Jónasson

Guðjón Bjarki Hildarson

Jónas Ingi Þórisson

Martin Bjarni Guðmundsson

Valgarð Reinhardsson

Varamaður:

Atli Snær Valgeirsson

Kvennaliðið skipa:

Birta Björg Alexandersdóttir

Irina Sazonova

Margrét Lea Kristinsdóttir

Nanna Guðmundsdóttir

Sonja Margrét Ólafsdóttir

Mynd/fimleikasamband Íslands