Körfuboltadeild ÍR hefur komist að samkomulagi við bandaríska leikmanninn Shakir Smith um að leika með liðinu á komandi keppnistímabili. Þetta kemur fram í tilkynningu frá Breiðholtsfélaginu.

Smith kemur til ÍR frá portúgalska liðinu Sporting þar sem hann lék síðasta tímabil. Þetta er þó í fyrsta skipti sem Smith leikur með liði á Norðurlöndunum en keppnistímabilið 2018-2019 lék hann í Svíþjóð með Norrköpping.

Í deildarkeppninni síðasta tímabil með Sporting spilaði Smit að meðaltali 14 mínútur í leik og skilaði á þeim tíma 7 stigum, 1,3 fráköstum og 2,3 stoðsendingum.

Sporting lék einnig í Eurocup og í þeim leikjum skilaði hann 11 stigum, 2,7 fráköstum og 3 stoðsendingum að meðaltali í leik.