Körfubolti

Ingi Þór tekur við KR á nýjan leik

Ingi Þór Steinþórsson var kynntur til leiks sem þjálfari karlaliðs KR í körfubolta á blaðamannafundi sem haldinn var í höfuðstöðvum Alvogen í hádeginu í dag.

Ingi Þór Steinþórsson, nýráðinn þjálfari KR. Fréttablaðið/Ernir

Ingi Þór Steinþórsson var kynntur til leiks sem þjálfari karlaliðs KR í körfubolta á blaðamannafundi í hádeginu í dag. Ingi Þór tekur við starfinu af Finni Frey Stefánssyni sem gerði KR að Íslandsmeisturum síðustu fimm árin og varð tvisvar sinnum bikarmeistari við stjórnvölinn hjá liðinu. 

KR er að endurheimta uppalinn félagsmann í raðir sínar að nýju, en Ingi Þór hélt um stjórnartaumana hjá karlaliði KR þegar liðið varð Íslandsmeistari árið 2000 og var síðan aðstoðarmaður Benedikts Rúnars Guðmundssonar þegar liðið varð Íslandsmeistari árið 2009. 

Ljóst er að nokkrar breytingar verði á leikmannahóp KR fyrir næstu leiktíð, en Brynjar Þór Björnsson sem verið hefur fyrirliði liðsins undanfarin ár er genginn til liðs við Tindastól og Darri Hilmarsson fluttur búferlum til Svíþjóðar. 

Þá ákvað Arnór Hermannsson að söðla um og halda í herbúðir Breiðabliks sem verða nýliðar í Dominos-deildinni á komandi keppnistímabili. 

KR-ingar hafa hins vegar gengið frá samningum við Jón Arnór Stefánsson og Kristófer Acox og tryggt sér þjónustu þeirra á næstu leiktíð hið minnsta.  

Þá standa yfir samningaviðræður við Pavel Ermolinski og Björn Kristjánsson og Böðvar Guðjónsson, varaformaður körfuboltadeildar KR, var afar bjartsýnn á að samningar myndu takast við þá á næstu dögum.

Athugasemdir

Auglýsing
Auglýsing

Tengdar fréttir

Körfubolti

Elvar leikur í Frakklandi á næstu leiktíð

Körfubolti

Ingi Þór: Rétti tíminn til þess að koma aftur í KR

Körfubolti

Æfingahópur fyrir næstu leiki valinn

Auglýsing

Nýjast

HM 2018 í Rússlandi

BBC: Aðeins tveir með hærri einkunn en Hannes

HM 2018 í Rússlandi

Wilshere að yfirgefa Arsenal eftir sautján ár

HM 2018 í Rússlandi

Góð byrjun Rússa heldur áfram

Sport

Zlatan í næsta Body Issue tímariti ESPN

HM 2018 í Rússlandi

Segir ekki ósætti innan þýska landsliðsins

HM 2018 í Rússlandi

Aftur byrjaði Senegal á sigri

Auglýsing