Fim­leika­konan Ok­sana Chu­so­vitina keppti í áttunda sinn á Ólympíu­leikunum í ár, 46 ára gömul. Ok­sana er frá Úsbek­istan og hefur verið að keppa í Ólympíu­leikunum frá árinu 1992 þegar leikarnir voru haldnir í Bar­selóna, segir í frétt hjá CBS news.

Á leikunum í Ríó de Janeró árið 2016 varð Ok­sana fyrst alls fim­leika­fólks til að keppa í sjö Ólympíu­leikum. Hún er því að bæta eigið met á leikunum í Tókýó í ár. Hún byrjaði í fim­leikum að­eins sjö ára gömul og hefur því stundað í­þróttina í tæp fjöru­tíu ár.

Hún æfir í þrjá tíma á dag, nema á sunnu­dögum, segir á heima­síðu Ólympíu­leikanna. Árið 2018 varð hún elsti í­þrótta­maður til að fá verð­launa­pening á Asísku leikunum en hún fékk silfur­pening í stökki.

Ok­sana keppti í stökki í Tokýó í vikunni en fékk ekki nægi­lega mörg stig til að komast á­fram. Eftir um­ferðina stóð fólk upp og klappaði fyrir glæsi­legri frammi­stöðu fim­leika­konunnar. Hún hyggst leggja keppnis­mennsku á hilluna eftir leikana í ár.