HM 2018 í Rússlandi

„Búinn að ganga frá mínu en það er pappírsvinna eftir“

Landsliðsmaðurinn Hörður Björgvin Magnússon segir að aðeins örlítil pappírsvinna sé eftir áður en gengið verður frá félagsskiptum hans til CSKA Moskva frá Bristol City en hann skildi það eftir við komuna til Rússlands og einbeitir sér að HM.

Hörður Björgvin á æfingu íslenska landsliðsins í Kabardinka á dögunum. Fréttablaðið/Eyþór

Hörður Björgvin Magnússon, bakvörður íslenska landsliðsins, segir viðræður langt á veg komnar við CSKA Moskvu og hann á von á því að félagsskipti hans til félagsins gangi upp.

Tíðindi bárust af því að Bristol City hefði samþykkt tilboð í Hörð á dögunum og að viðræður væru langt á veg komnar um samning í höfuðborg Rússlands.

Er þetta í þriðja sinn sem rússneskt félag sýnir Herði áhuga en í þetta skiptið er það stærsta lið Rússlands sem er reglulegur gestur í Meistaradeild Evrópu.

Hann hefur ekki leyft þessu að trufla undirbúninginn fyrir Heimsmeistaramótið sem hefst á laugardaginn en hann gekk frá sínum málum áður en haldið var til Rússlands. Ítarlegra viðtal við Hörð má sjá hér.

„Þetta hefur ekki truflað til þessa, það eru viðræður í gangi og ég er búinn að ganga frá mínu en það eru einhverjir pappírar eftir. Ég er bara að einblína á landsliðið og stórmótið sem er framundan,“ sagði Hörður sem sagðist ekki ætla að nýta tímann í Moskvu til að skoða íbúðir.

„Neinei, ég er nú ekkert kominn svo langt. Ég er bara að hugsa um hvernig ég geti gert hótelherbergið mitt hérna notalegra en ég fer að skoða þetta eftir HM,“ sagði Hörður að lokum.

Athugasemdir

Auglýsing
Auglýsing

Tengdar fréttir

HM 2018 í Rússlandi

Kroos gagnrýnir Özil: „Margt af þessu er kjaftæði“

HM 2018 í Rússlandi

KSÍ kynnir nýjan þjálfara á morgun

HM 2018 í Rússlandi

Mark Pavard gegn Argentínu kosið besta mark HM

Auglýsing

Nýjast

Allt í hers höndum hjá Bordeaux

Sonur Hålands heldur áfram að slá í gegn

Átta stig í forystu þegar átta leikir eru eftir

Einum sigri frá úrslitaleiknum

Már settti Íslandsmet í 100 metra baksundi

Sjö íslenskir leikmenn eiga möguleika

Auglýsing