Selfyssingurinn Haukur Þrastarson verður sá leikmaður í 17 manna leikmannahópi íslenska karlalandsliðsins í handbolta sem verður ekki á leikskýrslu þegar Ísland mætir Króatíu í dag.

Guðmundur Þórður Guðmundsson þjálfari íslenska hélt til München með 17 leikmenn, en einungis er heimilt að hafa 16 leikmenn á leikskýrslu í hverjum leik.

Guðmundur tilkynnti það á blaðamannafundinum þar sem hann opinaberaði leikmannahóp sinn fyrir mótið að Haukur væri 17. leikmaður í hópnum og hann sýnir það í verki með þessari ákvörðun sinni.

Haukur getur hins vegar komið við sögu síðar á mótinu, þar sem hvert lið hefur rétt til þess að gera þrjár breytingar á leikmannahópi sínum á meðan mótinu stendur. 

Leikur Íslands og Króatíu hefst klukkan 17.00.