Körfubolti

Haukur Helgi skiptir um lið í Frakklandi

Landsliðsmaðurinn Haukur Helgi Pálsson er nýjasti leikmaður franska úrvalsdeildarliðsins Nanterre 92.

Haukur Helgi hefur leikið í Frakklandi síðan 2016. Fréttablaðið/Anton

Haukur Helgi Pálsson er genginn í raðir franska úrvalsdeildarliðsins Nanterre 92 frá Cholet í sömu deild.

Nanterre endaði í 7. sæti frönsku deildarinnar á síðasta tímabili og féll úr leik fyrir Strasbourg í 8-liða úrslitum úrslitakeppninnar. Nanterre hefur einu sinni orðið franskur meistari (2013) og tvisvar sinnum bikarmeistari (2014 og 2017).

Haukur hefur leikið í Frakklandi undanfarin tvö tímabil; fyrst með Rouen Métropole í B-deildinni og svo með Cholet í úrvalsdeildinni.

Á síðasta tímabili var Haukur með 9,3 stig, 2,5 fráköst og 1,7 stoðsendingar að meðaltali í leik með Cholet. Hann var næstbestu þriggja stiga nýtinguna í frönsku deildinni (47,6%).

Haukur hefur verið fastamaður í íslenska landsliðinu á undanförnum árum og lék með því á EM 2015 og 2017. Hann hefur leikið 67 landsleiki.

Athugasemdir

Auglýsing
Auglýsing

Tengdar fréttir

Körfubolti

Fjórar breytingar fyrir leikinn gegn Belgíu

Körfubolti

Tvær goð­sagnir kvöddu lands­liðið með sóma

Enski boltinn

Lacazette missir af leikjunum gegn Rennes

Auglýsing

Nýjast

Meistaramót Íslands í frjálsum íþróttum um helgina

Laporte gerir langtíma samning

Ólympíunefndin hafnaði skvassi í fjórða sinn

Elías Rafn etur kappi við Man.Utd

Pep hafði ekki áhuga á að þjálfa Chelsea

„Ronaldo á bara þrjá Evróputitla“

Auglýsing