Körfubolti

Haukur Helgi og Jón Arnór meiddir

Það eru stór skörð sem vantar hóp íslenska karlalandsliðsins í körfubolta sem Craig Pedersen kynnti á blaðamannafundi í dag. Haukur Helgi Pálsson og Jón Arnór Stefánsson eru báðir meiddir og verða ekki með að þessu sinni. Tveir nýliðar í opinberum mótsleikjum eru í hópnum.

Craig Pedersen, þjálfari íslenska liðsins, hefur valið leikmannahóp sinn fyrir leikinn gegn Portúgal. Fréttablaðið/Anton

Craig Pedersen, þjálfari íslenska karlalandsliðsins í körfubolta, hefur í samráði við aðstoðarmenn sína, Finn Frey Stefánsson og Baldur Þór Ragnarsson, valið leikmannahóp liðsins sem mætir Portúgal ytra á sunnudaginn kemur í forkeppni fyrir Evrópumótið sem haldið verður árið 2021

Tveir leikmenn munu mögulega leika sína fyrstu A-landsleiki í mótum á vegum FIBA, en það eru þeir Collin Pryor, leikmaður Stjörnunnar og Kristinn Pálsson, leikmaður Njarðvíkur. 

Kristinn lék fyrir A-landsliðið á Smáþjóðaleikunum árið 2017 og hann ásamt Collin Pryor voru síðan í liðinu í tveim vináttuleikjum gegn Noregi nú í upphafi þessa mánaðar.

Þá kom í ljós nýlega og rétt áður en hann var á leið til landsins að Haukur Helgi Briem Pálsson, leikmaður Nanterre 92 í Frakklandi, væri meiddur og að hann þarfnaðist hvíldar sem og Jón Arnór Stefánsson, leikmaður KR,  sem hefur heldur ekki tekið þátt í æfingum liðsins undanfarið vegna meiðsla sem hann er að ná sér góðum af. Von er á þeim báðum til baka fyrir næsta glugga í lok nóvember.

Leikurinn ytra gegn Portúgal fer fram á sunnudaginn 16. september kl. 18:30 að staðartíma eða kl. 17:30 að íslenskum tima. Ísland og Portúgal eru einnig með Belgíu í þessum riðli í forkeppninni og næsti leikur eftir Portúgalsleikinn er gegn Belgíu í Laugardalshöllinni í lok nóvember. 

Leikmannahópur Íslands að þessu sinni er þannig skipaður:

1 Collin Pryor 1990 198 F Stjarnan 2 
3 Ægir Þór Steinarsson 1991 182 B Stjarnan 55
4 Kári Jónsson 1997 194 B Barcelona (ESP) 9     
8 Hlynur Bæringsson 1982 200 M Stjarnan 122
10 Elvar Már Friðriksson 1994 186 B Denain (FRA) 34
13 Hördur Axel Vilhjálmsson 1988 196 B Keflavík 74
14 Kristinn Pálsson 1997 197 B Njarðvík 7
15 Martin Hermannsson 1994 194 B Alba Berlin (GER) 62
19 Kristófer Acox 1993 198 F Denain (FRA) 36
21 Ólafur Ólafsson 1990 194 F Grindavík      26
23 Hjálmar Stefánsson 1996 199 F Haukar 4 
34 Tryggvi Hlinason 1997 215 M Monbus Obradorio (ESP) 29

Collin Pryor er nýliði í íslenska landsliðinu. Fréttablaðið/Anton

Athugasemdir

Auglýsing
Auglýsing

Tengdar fréttir

Körfubolti

Keflavík sendir tvo erlenda leikmenn heim

Körfubolti

„Gerðum of mörg mistök til að vinna leikinn“

Körfubolti

Portúgal vann nauman sigur á Íslandi ytra

Auglýsing

Nýjast

Guðjón framlengdi í Garðabænum

Íslandsmeistarar Fram byrjuðu á sigri á Selfossi

Varamaðurinn Firmino hetja Liverpool í kvöld

Fékk fjögurra leikja bann fyrir hrákuna

Messi byrjaði á þrennu gegn PSV

Lampard sektaður eftir að hafa verið rekinn upp í stúku

Auglýsing