Óskar Sverrisson og Ari Leifsson fá fyrstu leiki sína fyrir A-landslið karla í kvöld þegar íslenska landsliðið mætir El Salvador í Los Angeles.

Þetta er seinni leikur Íslands í þessu landsliðsverkefni sem fer fram utan hefðbundis landsleikjahlés og eru því stærstu stjörnur Íslands fjarverandi.

Kári Árnason ber fyrirliðabandið í þessum leik og er í vörninni með Birki Má Sævarssyni, Óskari og Ara.

Óskar sem er samningsbundinn Hacken er fæddur og uppalinn í Svíþjóð en á íslenskan föður og er því gjaldgengur í íslenska landsliðið.

Byrjunarlið Íslands í heild sinni má sjá hér fyrir neðan.