Handbolti

Guðmundur: Lítið sofið síðustu sólarhringa

Guðmundur Þórður Guðmundsson þjálfari íslenska karlalandsliðsins í handbolta segir að það hafi verið gríðarlega erfitt að velja leikmannahóp liðsins sem heldur til München á heimsmeistaramótið á morgun.

Guðmundur Þórður segir að skakkaföllin muni vissulega taka sinn toll en er spenntur fyrir komandi verkefni. Fréttablaðið/Anton

Þessi undirbúningur hefur verið alger rússibanareið vegna þeirra meiðsla og veikinda sem hafa dunið á liðinu. Ég hef lítið sofið undanfarna sólarhringa. Það er alltaf erfitt að velja landsliðshóp fyrir stómót, en nú hefur það verið sérstaklega erfitt vegna fyrrgreindra skakkafalla og þess að mér finnst nokkrir leikmenn í mörgum stöðum einkar jafnir og það er erfitt að gera upp á milli þeirra," segir Guðmudur Þórður Guðmundsson um valið að þessu sinni.

„Það er auðvitað mikill skellur fyrir okkur að missa Guðjón Val svona skömmu fyrir mót. Sérstaklega af því að hann kom jákvæður út úr skoðuninni sem hann fór í mánudaginn. Því var það óvænt að heyra hversu alvarleg meiðslin væru orðin. Við þessu er hins vegar ekkert að gera og við verðum bara að tækla stöðuna eins og hún er.

Guðjón mun vera í endurhæfingu næstu daga og það er ekki loku fyrir það skotið að hann verði með á seinni stigum mótsins. Það er hins vegar ekki í fyrsta lagi eftir viku sem að við getum farið að íhuga það að hann komi inn í hópinn og spili. Þetta eru þess háttar meiðsli að það er nokkur óvissa um það hvenær hann jafnar sig," segir hann enn fremur um stöðu mála hjá hinum frábæra vinstri hornamanni.  

Ísland hefur leik á mótinu með því að mæta Króatíu á föstudaginn kemur, en liðið er svo með Spáni, Barein, Japan og Makedóníu í undanriðli mótsins sem leikinn verður í München í Þýskalandi. 

Athugasemdir

Auglýsing
Auglýsing

Tengdar fréttir

Handbolti

Góð frammistaða en svekkjandi úrslit

Handbolti

Sjáum í þessum leikjum hvar liðið stendur

Handbolti

Mæta Argentínu en ekki Angóla á æfingarmótinu

Auglýsing

Nýjast

Leystu verkefnið fagmannlega í Andorra

Ísland hóf undankeppnina með sigri

Aron og Alfreð byrja báðir

Börsungar tilbúnir að selja Coutinho

Ágætis byrjun hjá Arnari og Eiði

Andorra sýnd veiði en ekki gefin

Auglýsing