Guðni Th Jóhannesson, forseti Íslands, birtir skemmtilegt myndband á Twitter-síðu sinni í dag þar sem hann sýnir frá skákeinvígi sínu við Hauk, átta ára dreng á Fischer Random skákmótinu sem stendur yfir í Reykjavík þessa dagana.

Forsetinn er áhugamaður um skák og hefur oft tekið þátt í viðburðum í tengslum við skákíþróttina.

Í myndbrotinu sem sjá má hér fyrir neðan heyrist að norska ríkissjónvarpið sýndi áhuga á að ræða við Guðna á meðan hann tefldi við Hauk.

Í færslunni talar Guðni um að Haukur sé efnilegur skákmaður og að það yrði gaman að fylgjast með framtíð hans í skákíþróttinni , en um leið að það mikilvægasta væri að njóta leiksins.