Körfubolti

Grindavík sendir tvo erlenda leikmenn heim

Grindavík tók í dag ákvörðun um að segja upp samningi og senda Michalis Liapis og Terrell Vinson heim á leið eftir aðeins tvær umferðir í Dominos-deild karla.

Jóhann les yfir sínum mönnum. Fréttablaðið/Ernir

Grindavík tók í dag ákvörðun um að segja upp samningi og senda Michalis Liapis og Terrell Vinson heim á leið eftir aðeins tvær umferðir í Dominos-deild karla.

Staðfesti Jóhann Þór Ólafsson, þjálfari Grindavíkur, það við Karfan.is í dag. Voru þeir báðir að glíma við meiðsli, Vinson eftir síðasta leik en meiðsli Liapis voru að taka sig upp á ný eftir að hafa glímt við þau á síðasta tímabili.

Búast má við að Grindavík bæti við að minnsta kosti einum erlendum leikmanni til viðbótar á næstu dögum til að fylla skarð þeirra eftir að hafa unnið einn og tapað einum leik í upphafi tímabils.

Vinson var stigahæstur í liði Grindvíkinga í gær með 27 stig ásamt því að taka tíu fráköst eftir að hafa aðeins verið með fjórtán stig í fyrsta leiknum. Liapis náði sér ekki á strik í gær og lék aðeins þrettán mínútur.

Athugasemdir

Auglýsing
Auglýsing

Tengdar fréttir

Körfubolti

„Umhverfi þar sem árangurs er krafist“

Körfubolti

Slagsmál og hnefahögg í fyrsta heimaleik James

Körfubolti

Martin stigahæstur í sigri Alba Berlin

Auglýsing

Nýjast

Rooney hetja í höfuðborginni

Guðmundur fylgir Pedro til Eyja

Hamilton þarf að bíða í viku í viðbót

Landsliðsþjálfari kynntur á eftir

Sér alltaf nokkra leiki fram í tímann

Arftaki Alexanders fundinn?

Auglýsing