Chelsea er komið í 32-liða úrslit Evrópudeildarinnar eftir 0-1 útisigur á BATE Borisov í kvöld.

Olivier Giroud skoraði eina mark leiksins með skalla eftir fyrirgjöf Emerson á 53. mínútu.

Chelsea er með tólf stig á toppi L-riðils en liðið hefur unnið alla fjóra leiki sína og aðeins fengið á sig eitt mark.

Frankfurt og Lazio eru einnig komin áfram í 32-liða úrslit. Þau eru bæði í H-riðli. Frankfurt vann 2-3 sigur á Apollon á útivelli á meðan Lazio lagði Marseille, 2-1.

Arnór Ingvi Traustason lék allan leikinn fyrir Malmö sem gerði 1-1 jafntefli við Sarpsborg í Norðurlandaslag í I-riðli.