Hörður Snævar Jónsson
Sunnudagur 4. desember 2022
09.00 GMT

Cristiano Ronaldo stendur til að boða að verða launahæsti íþróttamaður í heimi, þó skrefið sé niður á við þegar kemur að fótbolta þá er fjárhagslega skrefið vafalítið heillandi. Sádí-Arabía á sér þann draum að fá Cristiano Ronaldo til að spila í deildinni.Hinn 37 ára gamli Cristiano Ronaldo veltir framtíð sinni fyrir sér á meðan hann reynir að leiða lið Portúgals til sigurs á Heimsmeistaramótinu í Katar.

Toyota Yaris

Ronaldo gæti keypt sér fjóra Toyota Yaris bíla á hverjum klukkutíma en stykkið kostar frá 3,5 milljón hjá umboðinu hér á landi.

Ronaldo ákvað að slíta samstarfi sínu við Manchester United, félagið krafðist þess að samningi hans yrði rift, eftir viðtal við Piers Morgan. Ronaldo var klár í það enda hafði það verið markmið hans undanfarna mánuði að losna frá félaginu á Englandi.Auðæfi Ronaldos í dag eru metin á 71 milljarð króna, en með því að fara til Sádí-Arabíu gæti sú talað hækkað hratt og örugglega. Í Sádí-Arabíu stendur Ronaldo til að boða að þéna 29,7 miljarða á ári. Enginn tekjuskattur er á laun þar í landi og því fengi Ronaldo það allt í sinn vasa.Ronaldo verður 38 ára á næsta ári en hann hefur sagt að hann ætli að hætta fertugur.

Fréttablaðið/Anton Brink

Laun Katrínar

Forsætisráðherra Íslands, Katrín Jakobsdóttir er með rúmar 2,4 milljónir á mánuði samkvæmt vef Alþingis. Það tæki Ronaldo rétt rúmar 10 mínútur að þéna þá upphæð í Sádí Arabíu.

Launin sem Ronaldo standa til boða:

Á ári

29,7 milljarðar

Á mánuði

2,73 milljarðar

Á viku

564 milljónir

Á dag

113 milljónir

Á klukkutíma

14,2 milljónir

Á mínútu

238 þúsund

Á sekúndu

3863 krónur

Fréttablaðið/GettyImages

Nýr Landsspítali:

Ronaldo getur fengið 75 milljarða yfir heildina í Sádí Arabíu og þyrfti því bara að fá 4 milljarða lánaða til að byggja nýja Landsspítalann við Hringbraut en gert er ráð fyrir að hann kosti 79 milljarða

Al Nassr hefur þess vegna boðið Ronaldo tveggja og hálfs árs samning. Samningurinn myndi færa Ronaldo 75 milljarða í vasann og þar með yrði hann launahæsti íþróttamaður í heimi.Marca á Spáni segir að Ronaldo sé búinn að segja já við tilboði Al Nassr, en fólk í kringum Ronaldo segir að svo sé ekki.

Hann muni einbeita sér að því að gera vel með Portúgal á HM áður en hann tekur endanlega ákvörðun.Líkurnar á að Ronaldo taki tilboðinu eru hins vegar miklar og á það að hjálpa honum í þeirri ákvörðun að Lionel Messi skoðar svipaða hluti. Þessir tveir dáðustu synir fótboltans gætu verið að kveðja stærsta sviðið, Messi er með tilboð frá Inter Miami í Bandaríkjunum og Ronaldo frá Sádí-Arabíu. Endalok þeirra sem hetjur fótboltans í Evrópu eru því að nálgast

Fréttablaðið/Getty images

Tilboð á pulsu

Ronaldo gæti keypt sér 113 þúsund Dr. Football tilboð á Bæjarins bestu á hverjum degi, þar færðu tvær pulsur og drykk á þúsund krónur.

Orkudrykkur

Ronaldo gæti á hverri einustu mínútu keypt 853 Red Bull orkudrykki en stykkið kostar sem dæmi 279 krónur í næstu verslun Krónunnar.

Iphone sími

Ronaldo á alltaf að geta hringt en eftir klukkutíma vinnu gæti hann keypt sér 86 iPhone síma í verslun Nova.

Góða úlpu

Hitinn í Sádí Arabíu er mikill en góð úlpa er eitthvað sem allir þurfa að eiga, eftir hvern dag gæti Ronaldo keypt sér Tindur úlpuna hjá 66 norður. Stykkið kostar 150.000 svo Ronaldo gæti keypt sér 753 stykki á hverjum degi ef hann tekur tilboðinu í Sádi.

Athugasemdir