Sport

„Getum ekki verið mikið betur undirbúnir“

Rúrik Gíslason segir að allur undirbúningur fyrir leikinn gegn Argentínu hafi gengið vel. Hann treystir Heimi Hallgrímssyni til að velja rétta byrjunarliðið.

Rúrik ræðir við blaðamenn. Fréttablaðið/Eyþór

Rúrik Gíslason segir að spennan í íslenska hópnum fyrir leikinn gegn Argentínu á laugardaginn sé mikill.

„Það er óhætt að segja það. Þetta er búið að byggjast hægt og rólega upp. Það er spenna í hópnum,“ sagði Rúrik. Að hans sögn er íslenska liðið búið að fara vel yfir það argentínska.

„Ég hef ekki töluna á því hvað við erum búnir að funda oft um þá en það er nokkrum sinnum. Síðasti fundur var í gærkvöldi þar sem við fórum yfir varnar- og sóknarleik og alls konar atriði. Ég held að við getum ekki verið mikið betur undirbúnir,“ sagði Rúrik.

Hann segist ekki vita hvort hann verði í byrjunarliðinu á laugardaginn en vonast að sjálfsögðu til þess.

„Það hefur ekkert verið gefið til kynna í þeim efnum. Byrjunarliðið verður rétta byrjunarliðið. Það eru allir hérna með mikilvægt hlutverk, hvort sem það er innan vallar eða utan. Það er mikilvægt að við séum saman í þessu en auðvitað langar alla til að spila,“ sagði Rúrik.

Fyrr í vikunni bárust fréttir af því að Rúrik væri búinn að skrifa undir nýjan tveggja ára samning við þýska B-deildarliðið Sandhausen sem hann hefur leikið með frá því í janúar.

„Ég er mjög ánægður og það var fínt að klára þetta fyrir HM. Þá get ég einbeitt mér að fullu að því að keppa á heimsmeistaramótinu,“ sagði Rúrik að lokum.

Athugasemdir

Auglýsing
Auglýsing

Tengdar fréttir

Frjálsar íþróttir

Markmiðið var að vinna gull

Handbolti

Selfoss á toppinn

Auglýsing

Nýjast

Snæfell áfram með fullt hús stiga

Kristján Örn tryggði ÍBV stig í Mosfellsbæ

Keflavík gengur frá þjálfaramálum sínum

Barcelona komið í úrslit á HM

Bolt ekki á leiðinni til Möltu

Haukur og Dagur í hópi vonarstjarna Evrópu

Auglýsing