Fótbolti

„Gaman að heyra víkingaklappið“

Thibaut Courtois, markvörður Real Madrid og belgíska landsliðsins, hrósaði íslenska liðinu og íslensku stuðningsmönnunum eftir 3-0 sigur Belga á Laugardalsvelli í kvöld.

Courtois með augu á boltanum þótt að Gylfi sé í bakgrunni. Fréttablaðið/Eyþór

Thibaut Courtois, markvörður belgíska landsliðsins og Real Madrid, hrósaði íslenska landsliðinu fyrir spilamennskuna framan af í 3-0 sigri Belga á Íslandi á Laugardalsvelli í kvöld.

Ísland byrjaði leikinn af krafti og var betri aðilinn fyrstu mínúturnar en öflugt lið Belga skoraði tvö mörk á tveggja mínútna kafla um miðbik fyrri hálfleiks.

„Ísland spilaði virkilega vel fyrstu mínúturnar og sköpuðu sér góð færi, bæði úr opnum leik og úr föstum leikatriðum. Þeir spiluðu vel en við stýrðum leiknum eftir að við skoruðum.“

Belgar eyddu tíma í að skoða vel föst leikatriði íslenska liðsins.

„Við eyddum miklum tíma í að skoða það hvernig hægt væri að verjast föstum leikatriðum Íslands, Ísland skorar mörg mörk upp úr slíku en okkur tókst að loka vel á það.“

Óvæntur 6-0 sigur Sviss á Íslandi kom honum á óvart.

„Það kom mér á óvart því þetta var mjög ólíkt Íslandi. Þeir voru örlítið óheppnir og kannski ekki alveg klárir eftir HM. Við vissum að þeir myndu koma brjálaðir inn í þennan leik en okkur tókst að leysa það vel.“

Hann hrósaði íslenska stuðningsfólkinu og var greinilega mikill aðdáandi víkingaklappsins.

„Stemmingin á vellinum var góð og það var gaman að heyra víkingaklappið sem Belgar tóku þátt í. Þrátt fyrir að þetta sé ekki stór völlur þá var frábær stemming. Það getur verið skemmtilegra að spila fyrir fullu húsi á stærri völlum en þegar stærri vellir eru tómlegir.“

Athugasemdir

Auglýsing
Auglýsing

Tengdar fréttir

Fótbolti

Birkir missir af landsleikjunum

Fótbolti

„Gaman að verða meistari áður en ég fer“

Fótbolti

Solari fær langtímasamning hjá Real Madrid

Auglýsing

Nýjast

Ranieri tekur við Fulham

Haukar nálgast toppliðin - Stjarnan úr botnsætinu

Tveggja leikja bann fyrir pirringskastið

Rooney mun klára ferilinn í Bandaríkjunum

Birgir Leifur úr leik

Rekinn eftir 73 daga í starfi

Auglýsing