Einar Örn Jóns­son, í­þrótta­frétta­maður og lýsandi RÚV vekur at­hygli á á­horfs­tölum sem hafa verið birtar eftir lands­leik Ís­lands og Portúgal á HM í hand­bolta í gær­kvöldi. Ís­land vann fjögurra marka sigur, 30-26 og Einar leiknum af mikilli snilld beint frá Kristian­stad.

Niður­stöður á­horfs­mælingar sem Val­geir Vil­hjálms­son, markaðs- og þróunar­fræðingur RÚV birti í færslu á sam­fé­lags­miðlinum Twitter í dag vöktu at­hygli en þar greindi Val­geir frá því að lands­leikurinn hafi skilað af sér 58% upp­söfnuðu á­horfi hér á landi.

Það verður að teljast afar gott en Einar Örn sá sér samt leik á borði og furðaði sig á þeim sem stilltu ekki inn á leikinn sem var hin mesta skemmtun.

„Hvað voru hin 42% eigin­lega að gera," var svar Einars við færslu Val­geirs.

Val­geir bætti þá við að hluti af þeim sem mældust ekki í á­horfs­mælingu gætu hafa verið að hlusta á beina lýsingu frá leiknum á Rás 2, sem var í höndum Þor­kels Gunnars Sigur­björns­sonar, eða þá á Tenerife að sóla sig.

Ís­land á aftur leik á HM á morgun þegar liðið mætir Ung­verja­landi í 2. um­ferð riðla­keppninnar. Bæði lið unnu fyrstu leiki sína á mótinu og því mun sigur­liðið á morgun gull­tryggja sér sæti í milli­riðlum.