Bakvörðurinn Adam Örn Arnarson skrifaði í dag undir samning hjá pólska félaginu Górnik Zabrze sem þarf ekki að greiða fyrir Adam sem var samningslaus.

Samningurinn er til átján mánaða með möguleika á framlengingu.

Greint var frá því í pólskum miðlum að Adam hefði farið með Zabrze í æfingarferð til Kýpur enda liðið í leit að nýjum bakverði.

Hinn 23 ára gamli Adam virðist hafa heillað forráðamenn liðsins og mun hann skrifa undir samning í dag samkvæmt heimildum Błażyński. 

Verður hann um leið þriðji íslenski leikmaðurinn í Póllandi en þar eru fyrir Árni Vilhjálmsson og Böðvar Böðvarsson.

Adam á að baki einn leik fyrir íslenska landsliðið en hann hefur undanfarin ár leikið með Álasund í Noregi og Norsjaelland eftir að hafa farið ungur á árum til NEC Nijmegen í Hollandi frá uppeldisfélagi sínu, Breiðablik.