Freyr Alexandersson, þjálfari danska B-deildarliðsins í fótbolta, Lyngby, er samkvæmt heimildum fót­bolta.net einn þeirra sem kemur til greina sem næsti þjálfari úrvalsdeildarliðsins Vi­borg.

Lars Fri­is, fráfarandi þjálfari Viborgar er að taka við stjórnartaumnum hjá AaB. Fram kemur í frétt bold.dk að Freyr hafi verið í viðræðum við Viborg áður en hann samdi við Lyngby.

„Vi­borg hefur ekki haft samband við okkur um Frey. Þegar Freyr var að semja við okkur á sínum tíma lét hann okkur vita að hann hefði rætt við forráðamenn Viborgar áður en hann ræddi við okkur. Hvort hann sé á óskalista hjá Viborg þessa stundina eru einungis vangaveltur," segir Nicas Kj­eld­sen, íþróttastjóri Lyngby í samtali við bold.dk.

Freyr sem tók við Lyngby í júní á síðasta er samningsbundinn félaginu í eitt og hálft ár í viðbót.

„Báðir aðilar eru afar sáttir við hvernig samstarfið gengur og ég er nokkuð viss um að það sé ekkert fararsnið á Frey," segir Kjeldsen enn fremur. Lyng­by situr eins og sakir standa í þriðja sæti B-deild­ar­inn­ar en vetrarfrí er í deildinni þessa stundina.