Handbolti

Fram bikarmeistari kvenna eftir stórsigur

Frábær varnarleikur og markvarsla skiluðu Fram öruggum sigri á Haukum í úrslitum Coca Cola bikarsins í handbolta í kvennaflokki í dag en Framarar náðu snemma frumkvæðinu og hleyptu Haukum aldrei inn í leikinn.

Fram hefur orðið bikarmeistari oftast allra liða í kvennaflokki, eða 15 sinnum. Fréttablaðið/Eyþór

Fram er bikarmeistari í handbolta í kvennaflokki eftir 30-16 sigur gegn Haukum í Laugardalshöll í kvöld en þetta er fyrsti bikarmeistaratitill Fram frá 2011 og sá fimmtándi í sögu félagsins.

Framarar náðu snemma fimm marka forskoti og leiddi með átta mörkum í hálfleik, 14-6 og var sigurinn í raun í höfn þar. Framarar stigu ekkert af bensíngjöfinni heldur gáfu í á upphafsmínútum seinni hálfleiks.

Munurinn fór fljótlega upp í tíu mörk en Fram gaf aldrei eftir og náði fjórtán marka forskoti rétt fyrir lok leiksins og var það munurinn að leikslokum.

Berta Rut Harðardóttir var sú eina sem var með lífsmarki í sóknarleik Hauka með níu mörk en hjá Fram var Þórey Rósa Stefánsdóttir atkvæðamest með sjö mörk á meðan Karen Knútsdóttir og Elísabet Gunnarsdóttir voru með fimm mörk hvor.

Athugasemdir

Auglýsing
Auglýsing

Tengdar fréttir

Handbolti

Frakkar minntu hressilega á sig

Handbolti

Lið Þóris komst með naumindum í milliriðilinn

Handbolti

Stórsigur kom Íslandi í umspil

Auglýsing

Nýjast

Útisigrar í báðum leikjum kvöldsins

Frakkar stungu af í seinni hálfleik

Valur stöðvaði sigurgöngu Keflavíkur

Rússar færast nær langþráðu EM-gulli

Gylfi og Sara Björk knatt­spyrnu­fólk ársins

Hópur valinn fyrir lokahnykkinn í undankeppni EM

Auglýsing