Íslensku keppendurnir á Norðurlandamótinu í frjálsum íþróttum í aldursflokknum 19 ára og yngri sem fram fer í Hvidovre í Danmörku um helgina unnu til fimm verðlauna á mótinu.

Erna Sóley Gunnarsdóttir hlaut silfurverðlaun í kúluvarpi þegar hún varpaði kúlunni 14,21 metra. Aðeins 16 sentimetrum styttra en hjá Theu Jensen, dönskum sem vann keppnina. 

Birna Kristín Kristjánsdóttir fékk brons í langstökki þegar hún stökk 5,86 metra. Í langstökki keppti einnig Vilborg María Loftsdóttir. Hún stökk 5,30 metra og lenti í sjöunda sæti. 

Þórdís Eva Steinsdóttir keppti í 400 metra hlaupi og kom þriðja í mark. Hún hljóp á tímanum 55,48 sekúndum og hreppti bronsverðlaun. 

Helga Þóra Sigurjónsdóttir og Eva María Baldursdóttir kepptu báðar í hástökki. Helga stökk 1,66 metra og varð sjötta og Eva stökk 1,63 metra og varð áttunda.