Finnur Atli Magnússon, miðherji Hauka, flytur til Ungverjalands með Helenu Sverrisdóttir, eiginkonu sinni í haust en hún er að fara í atvinnumennsku þar í landi.

Staðfesti Finnur þetta í samtali við Karfan.is en þar greinir hann frá því að honum hafi boðist starf sem styrktarþjálfari hjá félaginu sem Helena samdi við, Cegled.

Er þetta því ekki aðeins áfall fyrir kvennalið Hauka að missa einn besta leikmann deildarinnar í Helenu Sverrisdóttir en hún var með 19,7 stig, 13,4 fráköst og 8,9 stoðsendingu að meðaltali í leik í vetur.

Þá missir karlaliðið einnig Finn Atla sem var með 9,1 stig og 7,1 frákast á þeim 25 mínútum sem hann lék að meðaltali í Dominos-deild karla í vetur.