Tilkynnt var síðdegis í dag að knattspyrnulið FH muni leika í búningum frá bandaríska íþróttavörumerkinu Nike næstu árin. 

FH hefur leikið í búningum frá þýska íþróttavörumerkinu Adidas í tæp 30 ár og því eru þetta talsverð tíðindi.

Nýja treyjan var kynnt með nokkurri viðhöfn í Kaplakrika þar sem bræðurnir Friðrik Dór og Jón Ragnar Jónssynir spiluðu fyrir gesti og gangandi. 

Leikmenn í karla- og kvennaliði FH og úr yngri flokkum félagsins klæddu sig svo í nýju treyjuna og æfinga- og upphitunargallann. Treyjuna og gallann má sjá hér að neðan.