Franska lögreglan rannsakar nú hvort að úrslitum hafi verið hagrætt þegar PSG og Crvena Zvezda mættust í Meistaradeild Evrópu á dögunum .

Leiknum lauk með 6-1 sigri franska félagsins og fékk franska lögreglan ábendingu frá UEFA um að mögulega hefði úrslitunum verið hagrætt.

Fékk UEFA ábendingu um að stjórnarformaður serbneska félagsins hafi nokkrum dögum fyrir leik veðjað fimm milljónum evra á að PSG myndi vinna leikinn með fimm mörkum .

Crvena Zvezda eða Rauða Stjarnan eins og félagið er oft kallað komst í haust í riðlakeppni Meistaradeildar Evrópu í fyrsta sinn í 26 ár.

Náðu Serbarnir markalausu jafntefli gegn Napoli á heimavelli í fyrstu umferð.