Eric Bailly mun íhuga framtíð sína hjá Manchester United ef hann fær ekki stærra hlutverk hjá félaginu eftir að hafa verið settur út í kuldann hjá Jose Mourinho.

Miklar væntingar voru gerðar til Bailly eftir að Manchester United keypti hann frá Villareal fyrir þrjátíu milljónir punda. Frammistöður hans fyrstu vikurnar lofuðu góðu en honum hefur ekki tekist að fylgja því eftir.

Bailly sem byrjaði aðeins fimmtán leiki á síðasta tímabili  var skipt af velli á 19. mínútu leiksins um síðustu helgi eftir að Manchester United lenti 0-2 undir gegn Newcastle.

Hefur Mourinho ekkert farið í felur með að hann hafi áhuga á að bæta við miðverði og helst miðvörðum sem myndi þýða að hann myndi falla neðar í goggunarröðuninni.