Fótbolti

Liverpool komst á sigurbraut á nýjan leik

Liverpool hafði betur með einu marki gegn engu gegn Brighton í leik liðanna í 22. umferð ensku úrvaldeildarinnar í knattspyrnu karla í dag. Þá vann Burnley mikilvægan sigur í fallbaráttunni.

Mohamed Salah skorar hér af feykilegu öryggi fyrir Liverpool úr vítaspyrnu í sigri liðsins gegn Brighton í dag. Fréttablaðið/Getty

Liverpool náði sjö stiga forystu á toppi ensku úrvalsdeildarinnar í knattspyrnu karla með 1-0 sigri sínum gegn Brighton á Amex-vellinum 22. umferð deildarinnar í dag. Liverpool hafði tapaði í síðustu tveimur leikjum sínum áður en kom að þessum leik. 

Það var egypski landsliðsframherjinn Mohamed Salah sem skoraði sigurmark Liverpool í leiknum með marki sínu úr vítaspyrnu í upphafi síðari hálfeiks. Salah nældi sjálfur í vítaspyrnuna þegar Pascal Gross braut afar klaufalega á honum. 

Burnley sem lék án Jóhanns Berg Guðmundssonar nældi sér í þrjú afar mikilvæg stig í baráttu sinni við að forðast fall úr deildinni með því að leggja keppinauta sína í fallbaráttunni Fulham að velli með tveimur mörkum gegn einu. 

Burnley lyfti sér upp í 15. sæti deildarinnar með þessum sigri, en liðið hefur 21 stig og er þremur stigum frá fallsæti. Aron Einar Gunnarsson og samherjar hans hjá Cardiff City komu sér sömuleiðis úr fallsæti með því að gera markalaust jafntefli við Huddersfield Town. 

Cardiff City hefur 19 stig í 17. sæti deildarinnar og er einu stigi fyrir ofan Newcastle United sem er í neðsta fallsætinu með 18 stig, en leikmann Newcastle United geta komið sér frá fallsvæðinu með hagstæðu úrslitum í leik liðsins gegn Chelsea sem hefst klukkan 17.30 í dag. 

Úrslitin í leikjum dagsins sem hófust klukkan 15.00 urðu eftirfarandi:

Brighton - Liverpool, 0-0
Mohamed Salah (vítaspyrna).
Burnley - Fulham, 2-1
Joe Bryan (sjálfsmark), Denis Odoi (sjálfsmark) - André Schürrle.
Cardiff City - Huddersfield Town, 0-0
Crystal Palace - Watford, 1-2

Craig Cathcart (sjálfsmark) - Craig Catchart, Tom Cleverley. 
Leicester City - Southampton, 1-2 
Wilfred Ndidi - James Ward Prowse (vítaspyrna), Shane Long.

Athugasemdir

Auglýsing
Auglýsing

Tengdar fréttir

Fótbolti

Pogba dreymir um að spila fyrir Real einn daginn

Fótbolti

Lokapróf koma í veg fyrir að Agla María fari með til Suður-Kóreu

Fótbolti

Fimm breytingar á hópnum sem fer til Suður-Kóreu

Auglýsing

Nýjast

Vals­konur komnar í topp­sæti deildarinnar

Fylkir semur við eistneskan landsliðsmann

Sky velur Gylfa í úr­vals­lið tíma­bilsins til þessa

Körfu­bolta­lands­liðin á­fram í Errea næstu þrjú árin

Vildu gefa Söru Björk frí til að safna kröftum

Stórleikur hjá Söru Björk gegn Lyon í dag

Auglýsing