Hörður Snævar Jónsson
Fimmtudagur 24. nóvember 2022
08.48 GMT

Viðtal sem Ronaldo fór í hjá Piers Morgan á dögunum setti allt á annan endann. Allt það slæma sem Ronaldo sagði um United og hluti tengda félaginu varð til þess að einn dáðasti sonur félagsins var ekki lengur velkomin til æfinga. Ronaldo kveður United 37 ára gamall með skottið á milli lappanna.

27. ágúst 2021

Manchester United tilkynnir að samkomulag hafi náðst við Juventus um að kaupa Cristiano Ronaldo til félagsins. Fjórum dögum síðar skrifar Ronaldo undir tveggja ára samning

Fréttablaðið/GettyImages

11. september 2021

Ronaldo snýr aftur á völlinn í rauðu treyjunni, heimaleikur gegn Newcastle og Ronaldo hleður í flugeldasýningu. Tvö mörk í fyrsta leik og stuðningsmenn United fara að leyfa sér að dreyma

Fréttablaðið/GettyImages

29. september 2021

Hann skrifar sig í sögubækur Meistradeildar Evrópu þegar hann spilar sinn 178. leik í keppninni, enginn leikmaður hefur spilað fleiri leiki í Meistaradeildinni.Ronaldo skorar sigurmark gegn Villarreal undir lok leiksins.

Fréttablaðið/GettyImages

21. nóvember 2021

Ronaldo heldur áfram að skora mikilvæg mörk í Meistaradeildinni en 5-0 tap gegn Liverpool og 2-0 gegn Manchester City setja pressu á Ole Gunnar Solskjær, þá stjóra liðsins. Eftir 4-1 tap gegn Watford er hann rekinn.

Fréttablaðið/GettyImages

29. nóvember 2021

Ralf Rangnick er ráðinn sem tímabundinn stjóri United út tímabilið. Ljóst er af orðum Ronaldo undanfarna daga að hann hafði enga trú á þessum þýska þjálfara. Hann sagði Rangnick ekki vera þjálfara og enginn hafi skilið ráðninguna.

Fréttablaðið/GettyImages

2. desember 2021

Ronaldo skorar tvö mörk í 3-2 sigri á Arsenal sem er síðasti leikur liðsins undir stjórn Michael Carrick sem stýrði United áður en Rangnick tók við. Þetta eru mörk númer 800 og 801 á ferli Ronaldo.

Fréttablaðið/GettyImages

15. febrúar 2022

Ronaldo skorar í 2-0 sigri á Brighton en hann hafði þá farið í gegnum sína lengstu markaþurrð á ferlinum. Ronaldo hafði ekki skorað síðan 30. desember gegn Burnley, 588 mínútur án marks hjá Ronaldo.

Fréttablaðið/GettyImages

12. mars 2022

Ronaldo skorar þrennu í 3-2 sigri á Tottenham og mörkin í heildina á ferlinum eru þá orðin 807 sem gerir hann að markahæsta leikmanni sögunnar, Josef Bican frá Tékklandi átti fyrra metið.

Fréttablaðið/GettyImages

23. apríl 2022

Ronaldo skorar í tapleik gegn Arsenal á útivelli, tilfinningarnar eru miklar hjá Ronaldo sem hafði nokkrum dögum árður tilkynnt um það að unnusta hans hefði fætt andvana barn. Áttu þau von á tvíburum og stúlkan lifði af fæðinguna en drengurinn lést.

Fréttablaðið/GettyImages

22. maí 2022

United endar tímabilið í sjötta sæti og Ronaldo spilar ekki síðasta leik liðsins gegn Crystal Palace sem tapast. Ronaldo klárar tímabilið með 24 mörk en hann var aldrei hrifinn af leikstíl liðsins undir stjórn Rangnick.

Fréttablaðið/GettyImages

11. júlí 2022

Endalausar sögusagnir um framtíð Ronaldo og að hann vilji fara. Erik ten Hag er tekinn við sem stjóri United en hann segir að Ronaldo sé ekki til sölu. Sagan er í gangi allt sumarið en ronaldo fer ekki fet.

Fréttablaðið/GettyImages

31. júlí 2022

Eftir að hafa mætt seint til æfinga á undirbúningstímabilinu vegna veikinda hjá barni sínu snýr ronaldo aftur í æfingaleik gegn Rayo Vallecano. Hann yfirgefur Old Trafford áður en leik lýkur ásamt liðsfélögum og fær skammir í hattinn frá Ten Hag.

Fréttablaðið/GettyImages

2. október 2022

Ronaldo er ónotaður varamaður í 6-3 tapi gegn Manchester City. United er komið 4-0 undir í hálfleik en Ronaldo kemur ekki við sögu. Ten Hag segir það gert af virðingu að láta Ronaldo ekki spila svona leik.

Fréttablaðið/GettyImages

19. október 2022

Ronaldo neitar að koma inn á sem varamaður í leik gegn Tottenham. Hann labbar útaf Old Trafford á meðan leikurinn er í gangi og er settur í þriggja daga bann frá félaginu.

Fréttablaðið/GettyImages

13. nóvember 2022

Ronaldo spilar ekki gegn Fulham í ensku úrvalsdeildinni og eru veikindin sögð ástæðan. Þetta sama kvöld byrja að birtast klippur úr viðtalinu við Piers Morgan sem setja allt á hliðina.

Fréttablaðið/GettyImages

16.-17. nóvember 2022

Viðtalið umdeilda við Morgan er spilað yfir tvo daga. Ronaldo drullar yfir allt og alla hjá United, hann segist ekki bera virðingu fyrir Ten Hag. Flestir sjá að endalok Ronaldo í treyju United nálgast og félagið segðist vera að vinna í málinu.

Fréttablaðið/GettyImages

22. nóvember 2022

Manchester United greinir frá því að samningi Ronaldo hafi verið rift með samþykki beggja aðila. Hann kveður sviðið á Old Trafford eftir að hafa kramið hjörtu stuðningsmanna félagsins.

Fréttablaðið/GettyImages
Athugasemdir